Thread started by kirukan on 24th March 2008 04:29 PM
மனம் வெதும்பும் நேரம்
மரிக்கும் பூ சிரிப்பு
மௌனமாய் இருந்தே
மலரும் பூ வெறுப்பு
மகிழ்ச்சியை மங்கவைக்க
மிரட்டும் பூ மறுப்பு
மணவாழ்வில் நான்
பெற்ற பூ பொறுப்பு
விட்ட பூ எதிர்பார்ப்பு
கற்ற பூ பண்பு
கிடைக்காத பூ மதிப்பு
----
Kirukan
-
From: kirukan
on 6th December 2016 08:20 AM
[Full View]
மக்களுக்கு
உயிரளித்தாய்
உயர்வளித்தாய்
உணவளித்தாய்
உணர்வளித்தாய்
படிப்பளித்தாய்
பகுந்தளித்தாய்
எல்லார்க்கும் தாயாகி
பாதுகாத்தாய்
அமரரானாலும்
மக்களின் அம்மா
உன் ஆன்மா
சாந்தியடைய வேண்டுகிறேன்....
-
கிறுக்கன்
-
From: kirukan
on 27th December 2016 10:47 AM
[Full View]
மானங்கெட்டு போனதோ தமிழ்
மானிட சமுதாயம்
ஈன பிறவிகளின் பின்னாலே
ஈட்டம் கூடுவதேனோ
கள்வர் என தெரிந்தும்
கட்டுப்பட்டு நடப்பவர்
களவானி கூட்டமன்றோ
கழுத்தறுக்கும் கயவரன்றோ
அரசியல் செய்பவன்
அடிமையாய் நிற்கிறான்
அரசில் பணிப்பவன்
அசிங்கமாய் குழைகிறான்
படிப்பை சொல்லும்
பல்கலைகழகங்கள் பணிவிடை செய்தால்
படிக்கும் மாணவனின்
படைப்பு உருப்படுமோ
பணத்தின் பின்னே சென்று
பண்பை தொலைத்திட்டோம்
சகதியை செழிக்கவிட்டு
சாக்கடையில் மிதகின்றோம்
தன் தவறை சரி செய்யாது எவனும்
தட்டி கேட்க முடியாது
தடுமாறும் சமூகத்தை
தடுத்தாளவும் முடியாது....
-
கிறுக்கன்
-
From: kirukan
on 27th December 2016 06:56 PM
[Full View]
நாதியற்று போனாயோ
நாற்றமடித்து போனாயோ
கொடிகட்டி பறந்த நீ
கொடூரமாய் இறந்தாயோ
எட்டி நின்ற கூட்டம் எல்லாம்
ஏளனமாய் சிரித்ததோ
எட்டாம் நாள் காரியம்
எண்பதாம் நாளில் நடந்ததோ
போலி மரியாதை கண்டு
மகிழ்ந்திடும் மனிதர்க்கு
உன் மரணம் ஓர்
ஒப்பில்லா பாடம்.
-
கிறுக்கன்
-
From: kirukan
on 29th December 2016 11:15 AM
[Full View]
தவறை சுட்டிக்காட்டும் உறவு வரவு
குத்தி காட்டுவதோ செலவு.
-
கிறுக்கன்
-
From: kirukan
on 25th January 2017 11:09 AM
[Full View]
கற்பழித்தவனும்
கொள்ளையடித்தவனும்
காலம் சென்றதால்
காவிய தலைவனாம்
கற்பிழந்தது யாரோ
என்பதினால்
தன் குடும்பம்
என்றிருந்தால்?
வாடிய பயிரை பார்த்து
வாடிய இனம் இன்று
தன் வயி்று நிறைவில்
ஆனந்தம் கொள்கிறது
மாட்டிற்காக மகனை
வதைத்த மன்னன் எங்கே
மகனுக்காக மாநிலத்தை
பிரித்த பாதகன் எங்கே
சிறு பிழைக்கே
நானோ அரசன்
நானே கள்வன் என்று
மாண்டான் அன்று
இன்றோ
நான் கள்வன் எனினும்
நானே அரசன் என்பவனையே
நமஸ்கரிக்கிறது
நரம்பில்லா கூட்டம்
தமிழினம் உணர்ச்சியில்லா
எருமைகளா இல்லை
உணர்வுள்ள காளைகளா
என்பதை காலமே
எடுத்துரைக்கும்
பிள்ளைகளை வெறும்
நிதி புகட்டி வளர்க்காது
நீதி புகட்டி வளர்த்திடுவோம்....
-
கிறுக்கன்
-
From: kirukan
on 25th January 2017 11:09 AM
[Full View]
ஆழிப்பேரலை கண்ட
மெரினாவையே மெர்சலாக்கியது
மாணவர் பேரலை
அரசியல் வியாதிகளை
புரட்டியது புரட்சி அலை
மாணவிகளை மதித்து
முதிர்ந்தது பண்பு அலை
முகந்தெரியா மனிதருக்கும்
உணவளித்தது பாச அலை
அடக்கவந்த காவலரே
காண்பித்தது கவச அலை
உலகெங்கும் ஒலித்தது
தமிழனென்னும் திமிர் அலை.....
-
கிறுக்கன்
இப்படை தோற்கின் எப்படை வெல்லும்!!!!!!
-
From: kirukan
on 6th February 2017 11:57 AM
[Full View]
நரியாகி நட்பாகி
தந்திரமாய் தனியாக்கி
குடும்பத்தை துருப்பாக்கி
கொள்ளையை வாழ்வாக்கி
குப்பை கோபுரமாகி
குடியை கெடுத்தவுடன்
சிங்கத்தை சரித்துவிட்டு
குகையை கைப்பற்றி
காடும் எனதென
ஊளையிடுகிறது....
எம் கூட்டம்
நரியை நாறடிக்கும்
சிறுத்தைகளா
நக்கி பிழைக்கபோகும்
கழுதைகளா என
காலமே கதைக்கும்....
-
கிறுக்கன்
-
From: kirukan
on 6th February 2017 11:58 AM
[Full View]
கட்சியும் கைக்குள்ளே
ஆட்சியும் கைக்குள்ளே
சாட்சிகள் கலைத்த பின்னே
சட்ட விசாரணை
சாட்சிகள் இல்லாது
சட்டம் கடமை செய்ய
சதிகார கூட்டம்
சத்தியவானென பெயரெடுக்கும்.
-
கிறுக்கன்
-
From: kirukan
on 6th February 2017 11:59 AM
[Full View]
நிதியின் கைகளில்
நீதி சென்றதால்
நாதி அற்று
நீதி இன்று
நீர்த்துப் போனது.
-
கிறுக்கன்
-
From: kirukan
on 27th May 2017 06:44 PM
[Full View]
உற்றவர் செய்வினை வதைத்தாலும் விட்டுகொடுக்க
இயலாது உருத்தி கொல்லும்.
-
கிறுக்கன்